Udan
zehar Ordiziako Gaztetxearen eraikinaren inguruan izan diren gertakizunak
ikusirik, horren inguruko informazio garbia zabaltzeko beharra ikusi dugu. Hori
irakurterraza izan dadin, orain arteko gertaera eta erabakiak puntuka azaltzen
dizkizuegu. Izan ere, herrian zehar zurrumurru ezberdinak piztu dira eta horien
zuzentzea da gure asmoa.
Gertaera eta
erabakiak:
-
Uztaila hasieran, eraikinaren
egoera txarra zela ikusirik, arkitekto batekin jarri ginen harremanetan.
-
Arkitekto hark eraikinaren egoera
uste baino okerragoa zela baieztatu zigun.
-
Hori jakinik bi erabaki hartu
genituen:
o
Udalarekin kontaktuan jarri eta
ikerketa bat abiaraztea.
o
Segurtasun neurri moduan gaztetxearen
erabilera beheko solairura mugatzea festek irauten zuten bitartean.
-
Hasera batean udaleko teknikariak
pasatu ziren eta guk esan bezala, ikerketa bat burutzeko beharra ikusi zuten.
-
Abuztuaren 2tik 6ra udalak
deituriko enpresa lagin bila etorri zen gaztetxera.
o
Azken egunean gaztetxea goitik
behera “apuntalatu” behar izan zen zutabe batzuetan pitzadurak agertu zirelako.
o
Hori ikusirik emaitzak jaso
aurretik gaztetxea hustea erabaki genuen.
-
Ikerketaren emaitzak udaletxean
daude, baina hori itxita dagoenez, irailera arte informazioa ez dugu gure esku izango. Hala ere, datu
batzuk badauzkagu:
o
Etxebizitza baten zutabeek
250kg/cm2 jasan beharra dute eta gaztetxeko zutabe batzuek 30kg/cm2
soilik jasan dezakete.
- Orain gaztetxea erabat itxirik
dago segurtasun moduan, ezin da inor sartu.
-
Irailean behin informea edukirik,
gaztetxea berritu daitekeen edo ez ikusiko da eta ondoren udalarekin kontaktuan
jarriko gara.
Orain arte bezala,
hemendik aurrera erabaki guztiak asanbladatan hartuko dira. Horregatik, gaztetxearen inguruan interesa duen edonori
deia zabaltzen diogu astean zehar udaletxe azpian burutuko diren bi
asanbladetan parte har dezaten: Bata, asteartero 19:00etan asanbladari
dagozkion ekintza eta gaiak antolatu zein eztabaidatzeko, eta bestea, ostiralero
19:00etan eraikinaren inguruko erabakiak hartzeko. Ongi etorriak izango zarete
gaztetxetik pasatu zaretenok, gaztetxean zabiltzatenok eta orain arte hurbildu ez zaretenok. Garai
berriei heltzeko unea da, 26 urte ta segi aurrera!
Ordiziako Gazte Asanblada
Ordiziako Gaztetxea
No hay comentarios:
Publicar un comentario